பாபாவின் வாழ்க்கையில்!

நல்லதெனச் சிரித்துவிட்டு திரும்பிச் சென்றார்
நாயகனாம் பாபாவும் வெறுங்கை யோடே!
அல்லதெலாம் செய்துவிட்ட அந்த மாந்தர்
அப்புறமும் விடவில்லை! இன்று பாபா
இல்லமது இருட்டினிலே கிடக்கும் அங்கே
எப்படித்தான் விளக்கெரியும் என்று பார்த்தார்!
சொல்லவொரு வார்த்தையிலாக் கடவுள் என்ற
சோதியவர் பாபாவும் ஒன்றைச் செய்தார்!

பாத்திரத்தில் குளிர்நீரை எடுத்துக் கொண்டார்
பலர்காண விளக்கெல்லாம் எண்ணெய் போல
சாத்திரங்கள் உச்சரித்து சிறிதே இட்டார்
சாந்தமுடன் திரியிட்டுத் தீபம் இட்டார்
நாத்திகராய் மறுத்தவர்கள் முகங்கள் நாண
நன்றாக எரிந்தனவே தீபம் எங்கும்!
ஆத்திரத்தால் அறிவிழந்த மாந்தர் வந்து
அழுதார்கள் பாபாவின் காலில் வீழந்தே!